Fundarboð Aðalfundar LV 2021

  • Post category:News

Til aðildarfélaga Landssambands veiðifélaga.

Aðalfundur Landssambands veiðifélaga verður haldinn föstudaginn 8. október, kl. 11:00-15:00, í Bændahöllinni við Hagatorg í Reykjavík.

Þátttaka á aðalfundi

Samkvæmt 5. gr. samþykkta Landssambandsins hefur hvert aðildarfélag rétt til að senda einn fulltrúa á aðalfundinn fyrir hverja 40 félaga eða færri og einn fyrir brot af þeirri tölu, sem umfram er. Hefur hver fulltrúi eitt atkvæði á fundinum.

Gætt verður fyllsta öryggis og sóttvarna á fundinum og fundargestir sérstaklega hvattir til að gæta að einstaklingsbundnum sóttvörnum. Boðið verður upp á að fulltrúar geti tengst fundinum með fjarfundarforritinu Zoom. Munu þeir þá geta fylgst með fundinum og tjáð sig um einstök mál. Þeir einir sem mæta á fundarstað munu þó hafa atkvæðisrétt.

Óskað er eftir því að aðildarfélög sendi framkvæmdastjóra Landssambandsins tilkynningu um þátttöku á aðalfundinum eigi síðar en 20. september nk. Vinsamlegast sendið tilkynninguna á netfangið gunnar@angling.is.  

Óskað er eftir því að sendar verði upplýsingar um neðangreint:

  1. Nafn veiðifélags.
  2. Nöfn og kennitölur fulltrúa.
  3. Félagatal viðkomandi veiðifélags.
  4. Hvort fulltrúi hyggst mæta til fundarins eða tengjast honum með fjarfundarbúnaði.

Dagskrá

  1. Setning.
  2. Kjör fundarstjóra og fundarritara.
  3. Kosning kjörbréfanefndar.
  4. Skýrsla stjórnar Landssambands veiðifélaga, sbr. 6. gr. samþykktar Landssambandsins. Jón Helgi Björnsson.
  5. Tillaga um breytingar á samþykkt Landssambands veiðifélaga. Fyrir liggur tillaga stjórnar Landssambandsins um breytingar á samþykktinni og var hún send með fundarboði í tölvupósti.
  6. Tillaga að skipun millifundanefndar. Fyrir liggur tillaga stjórnar Landssambandsins um umboð til stjórnar til skipunar nefndar um heildarendurskoðun á gjaldskrárgrunni félagsgjalda og var hún send með fundarboði í tölvupósti.
  7. Ársreikningur fyrir árið 2020 lagður fram til staðfestingar, sbr. 6. gr. samþykktar Landssambands veiðifélaga. Ólafur Þór Þórarinsson.
  8. Fjárhagsáætlun fyrir árið 2021 lögð fram., sbr. 6. gr. samþykktar Landssambands veiðifélaga, og ákvörðun um félagsgjöld, sbr. 7. gr. samþykktarinnar.
  9. Tillögur aðildarfélaga, sbr. 2. mgr. 4. gr. samþykktar Landssambands veiðifélaga.
  10. Stjórnarkjör, sbr. 9. gr. samþykkta Landssambands veiðifélaga. Í ár er kosið um formann stjórnar.
  11. Kosning tveggja skoðunarmanna reikninga, sbr. 5. mgr. 9. gr. samþykkta Landssambands veiðifélaga.
  12. Önnur mál.
  13. Fundi slitið.

Virðingarfyllst,
f.h. stjórnar Landssambands veiðifélaga,

Gunnar Örn Petersen, framkvæmdastjóri