HRÚTAFJARÐARÁ OG SÍKÁ

Hrútafjarðará og Síká.

Hrútafjarðará er eitt af veiðisvæðum í veiðiflóru Veiðiþjónustunnar Strengir. Meðalveiði í ánni á einungis þrjár stangir eru um 400 laxar á sumri, ásamt góðri bleikjuveiði á neðstu veiðistöðum. Sérstakt fiskræktarátak er í gangi með sleppingu laxaseiða. Veiðisvæðið nær frá neðsta veiðistaðnum Dumbafljóti, sem er frábær bleikjuveiðistaður og upp að Réttarfossi, sem er rómað sem einstaklega skemmtilegt svæði í fögru umhverfi. Einnig er veitt í Síká sem fellur neðarlega í Hrútafjarðará. Ágæt stórlaxavon, en laxar allt að 10 kg veiðast flest sumur.

Veiðihús:

Gott veiðihús með útsýni yfir ánna er staðsett neðan mela milli Staðar og Bálkastaða. Fjögur manna herbergi, tvö baðherbergi með sturtu, eldhús og skemmtileg setustofa með glæsilegum arin. Grill á staðnum. Húsgjald er innifalið í verði. Í veiðihúsinu geta tveir dvalist fyrir hvert keypt veiðileyfi. Komudag mega veiðimenn koma kl. 14.00 daginn sem veiði hefst og brottfarardag skulu þeir vera farnir úr húsinu kl. 13.00. Veiðimenn leggja sjálfir til matvæli en rúm eru uppábúinn. Veiðileyfi: Tveir eða þrír dagar í senn frá hádegi til hádegis. Daglegur veiðitími 21. júní – 14. ágúst kl. 7-13 og 16-22. Frá15. ágúst til 1. september 15-21 eftir hádegi. Eftir það er seinni vaktin kl.14-20 til 30. september. Leyfilegt agn: Fluga eingöngu leyfð. 

Veiðiþjónustan STRENGIR, Smárarima 30, 112 Reykjavík.

Vefsíða: http://www.strengir.is

Netfang: ellidason@strengir.is

Sími: 660 6890