Veiðitölur
Smelltu hér til að gerast áskrifandi að angling fréttum
8. október 2020

Nýjar veiðitölur

Komnar eru nýjar veiðitölur á vef Landssambands Veiðifélaga. Samantektin er frá veiði í lok síðasta miðvikudags 7. október síðastliðinn. 

 

Veiði lauk síðastliðin mánaðarmót í þeim vatnakerfum sem byggja ekki nánast alfarið á seiðasleppingum. Það hafa borist lokstölur úr 38 veiðisvæðum og alls eiga 8 veiðisvæði eftir að skila inn lokatölu.  Athygli er vakin á að leiðrétt lokaveiðitala í Laxá í Kjós er alls 895 laxar en ekki 1015 laxar eins og fram kom í síðustu samantekt okkar. Þegar veiðibók var yfirfarin þá kom í ljós að sjóbirtingur hafði fyrir mistök verið talin með. Þetta er leiðrétt hér með og beðist velvirðingar á þessu.

 

Laxveiði heldur áfram í 5 vatnakerfum en búast má við að veiði ljúki þar um 20. október. Það er því enn tækifæri til að komast í veiði á þessu tímabili og þess má geta að á þessum árstíma skartar náttúran í umhverfi ánna sínu fegursta.

 

Eystri-Rangá er efst á listanum og komin í alls 8544 laxa, skilaði vikuveiðin samtals 216 löxum sem er aukning um 9 laxa miðað við vikuna á undan. Veiðin er sú mesta frá upphafi og 1071 löxum betur en mesta veiði var árið 2007 þegar alls veiddust 7473 laxar. 

 

Ytri-Rangá er í öðru sæti og komin í alls 2578 laxa og skilaði vikuveiðin 59 löxum.

 

Í þriðja sæti er Miðfjarðará sem er efst á lista þeirra vatnakerfa sem byggja veiði ekki alfarið á seiðasleppingum. Lokatalan er 1725 laxar.

 

Í fjórða sæti er Affall í Landeyjum en samtals hefur veiðst 1617 og skilaði veiðivikan 20 löxum.

 

Í fimmta sæti er Selá í Vopnafirði en þar lauk veiði í samtals 1258 löxum.

 

 

 

Hér fyrir neðan eru 10 efstu vatnakerfin þar sem heildarveiði og vikuveiði er tilgreind.

 

 

1.   Eystri-Rangá 8544 laxar - vikuveiði 216 laxar.

 

2.   Ytri-Rangá 2578 laxar - vikuveiði 59 laxar.

 

3.   Miðfjarðará 1725 laxar - Lokatala

 

4.   Affall í Landeyjum 1643 - vikuveiði 26 laxar.

 

5.   Selá í Vopnafirði 1258 laxar - Lokatala

 

6.   Haffjarðará 1126 laxar - Lokatala.

 

7.   Langá 1086 laxar - Lokatala

 

8.   Þverá og Kjarará 1060 laxar - Lokatala

    

9.   Hofsá í Vopnafirði 1017 laxar - Lokatala.

 

10. Urriðafoss í Þjórsá  990 laxar -  Lokatala

 

Ekki hafa borist veiðitölur úr öllum vatnakerfum en þær verðar settar inn þegar þær berast.

 

Hér er hægt að skoða veiðitölur úr 50 vatnakerfum.

 

 

Næst verður veiðitölum safnað í lok veiði miðvikudags 14. október.

 

Athygli er vakin á því að er velkomið að senda inn lokaveiðitölur úr öðrum vatnakerfum og við birtum þær hér á vefnum. Gott væri að fá silungsveiði og stangarfjölda með.

 

Veiðitölur eru birtar með þeim fyrirvara að við úrvinnslu veiðibóka hjá Hafro getur veiðitala breyst lítilega.

 

Hægt er að senda inn veiðitölur á bjorn@angling.is eða hringja/senda sms í síma 852-3398