Veiðitölur
Smelltu hér til að gerast áskrifandi að angling fréttum
18. september 2020

Nýjar veiðitölur

Komnar eru nýjar veiðitölur á vef Landssambands Veiðifélaga. Samantektin er frá veiði í lok síðasta miðvikudags 16. september síðastliðinn. 

 

Samantektin er aðeins seinna á ferðinni sem skýrist af fjarveru þess sem tekur saman þessar veiðitölur og mun það vera vegna laxveiða. Þess má jafnframt geta að sú veiðiferð skilaði ekki tilætluðum árangri og á viðkomandi af þeim sökum ekki hlutdeild í þeim tölum sem hér eru birtar, þótt veiðifélagar státi því miður af öðru og eiga réttmæta hlutdeild í veiðitölum þessa vikuna. Úr þessu verður vonandi bætt en sem fyrr þá "veldur hver sem á heldur" stönginni í þessu tilviki.

 

Það bættust tvær ár í hóp þeirra sem komnar eru yfir 1000 laxa markið. Þær eru Þverá/Kjarará með samtals 1046 laxa og er í sjöunda sæti á listanum okkar og Langá sem komin er með samtals 1013 laxa og komin að auki í hóp efstu 10 efstu og situr nú í áttunda sæti.

 

Lokatölur hafa borist úr tveim ám, það er frá Elliðaám en þar er lokatalan 565 laxar, jafnframt úr Skjálfandifljóti sem lokaði 15. september með samtals 361 lax. Lokatölur fara síðan að berast úr fleiri vatnakerfum eftir því sem á líður veiðitímabilið.

 

Eystri-Rangá er efst á listanum og komin í alls 8016 laxa, veiðin gengur vel og skilaði vikuveiðin samtals 327 löxum sem er sú sama og veiðivikuna á undan. Veiðin er nú orðin sú mesta frá upphafi og 543 löxum betur en mesta veiði var árið 2007 þegar alls veiddust 7473 laxar. 

 

Ytri-Rangá er í öðru sæti og komin í alls 2332 laxa og skilaði vikuveiðin 70 löxum. 

 

Í þriðja sæti er Miðfjarðará sem er efst á lista þeirra vatnakerfa sem byggja veiði ekki alfarið á seiðasleppingum. Veiðin gekk vel og samtals hafa veiðst 1626 laxar og skilaði síðasta veiðivika alls 119 löxum sem er 19 löxum meira en veiðivikan á undan skilaði.

 

Í fjórða sæti er Affall í Landeyjum en þar hefur veiði gengið vel og er komin í alls 1501 og skilaði veiðivikan 79 löxum.

 

 

Hér fyrir neðan eru 10 efstu vatnakerfin þar sem heildarveiði og vikuveiði er tilgreind.

 

 

1.   Eystri-Rangá 8016 laxar - vikuveiði 327 laxar.

 

2.   Ytri-Rangá 2332 laxar - vikuveiði 70 laxar.

 

3.   Miðfjarðará 1626 laxar - vikuveiði 119 laxar.

 

4.   Affall í Landeyjum 1501 - vikuveiði 79 laxar.

 

5.   Selá í Vopnafirði 1190 laxar - (09. sept. Ný veiðitala hefur ekki borist.) 

 

6.   Haffjarðará 1077 laxar - vikuveiði 41 laxar.

 

7.   Þverá og Kjarará 1046 laxar - vikuveiði 81.

 

8.   Langá 1013 laxar - vikuveiði 100 laxar.

  

9.   Hofsá í Vopnafirði 987 laxar - vikuveiði 37 laxar.

 

10. Norðurá 978 laxar - vikuveiði 56 laxar.

 

 

Ekki hafa borist veiðitölur úr öllum vatnakerfum en þær verðar settar inn þegar þær berast.

 

Hér er hægt að skoða veiðitölur úr 49 vatnakerfum.

 

Næst verður veiðitölum safnað í lok veiði miðvikudags 23. september.

 

Athygli er vakin á því að þó við erum með 25 gagnagrunnsár, sem við söfnum vikulega gögnum frá, þá er velkomið að senda inn veiðitölur úr öðrum vatnakerfum og við birtum þær hér á vefnum. Einna best er að fá veiðitölur í lok veiði miðvikudags kvölds en það gerir samanburð fróðlegri og auðveldari.

 

Veiðitölur eru birtar með þeim fyrirvara að við úrvinnslu veiðibóka hjá Hafro getur veiðitala breyst lítilega.

 

Hægt er að senda inn veiðitölur á bjorn@angling.is eða hringja/senda sms í síma 852-3398