Veiðitölur
Smelltu hér til að gerast áskrifandi að angling fréttum
17. apríl 2018

Fréttatilkynning

Landssamband veiðifélaga krefur Skipulagsstofnun um breytta málsmeðferð og afhendingu gagna

 

Landssamband veiðifélaga (LV) hefur skrifað Skipulagsstofnun og gert kröfu um að stofnunin afhendi álit sitt um laxeldi í Ísafjarðardjúpi sem gefið var út þann 3. apríl síðastliðinn. Samkvæmt lögum skal álit Skipulagsstofnunar kynnt umsagnaraðilum við útgáfu þess. LV telur álitið eigi að standa og að sambandið eigi rétt á afhendingu þess. Þá virðist sem öðrum umsagnaraðilum hafi verið kynnt álitið. Á Facebook síðu bæjarstjóra Ísafjarðarbæjar, sem var meðal umsagnaraðila, var til dæmis eftirfarandi úrdráttur birtur:

 

„Í ljósi niðurstöðu áhættumats Hafrannsóknastofnunar og álits Erfðanefndar landbúnaðarins telur Skipulagsstofnun að áhrif laxaeldis Háafells á villta laxastofna í Ísafjarðardjúpi séu líkleg til að verða verulega neikvæð og að ekki eigi, miðað við fyrirliggjandi forsendur, að leyfa eldi á frjóum laxi í Ísafjarðardjúpi.“

 

LV telur að með því að draga svo afgerandi álit til baka sé verið að setja fordæmi sem valda mun mikilli óreiðu við málsmeðferð áætlana um umhverfismat. Opnað er fyrir þá leið að framkvæmdaaðli geti  fengið útgefið álit dregið til baka að vild undir því yfirskyni að hann óski eftir að leggja fram viðbótarupplýsingar þótt ekki sé vitað hvers efnis þær eru.

 

Hér er hægt að sækja fréttatilkynningu sem Pdf-skjal og hér er bréf til Skipulagsstofnunar Pdf-skjal.