Veiðitölur
Smelltu hér til að gerast áskrifandi að angling fréttum
18. mars 2018

Íslenska fluguveiðisýningin 2018

Íslenska fluguveiðisýningin verður haldin þann 21. mars næstkomandi í Háskólabíói og er síðan stefnan að halda hana síðan árlega.

 

Íslenska fluguveiðisýningin er sjálfseignarstofnun og verður öllum hagnaði af sýningunni varið í þágu meginmarkmiðs sýningarinnar sem er að standa vörð um íslenska náttúru og dýralíf með áherslu á vernd og uppbyggingu villtra ferskvatnsstofna, þá einkum lax, urriða og bleikju.

Önnur markmið Íslensku fluguveiðisýningarinnar eru að stuðla að vandaðri umræðu og fræðslu um verndun villtra ferskvatnsstofna og að efla samfélag fluguveiðimanna hér á landi.

Sýningin verður haldin í anddyri Háskólabíós og meðal efnis verður:

- Kynningarbásar fyrir vörur og þjónustu.

- Málstofa um sjókvíaeldi.

- Uppboð á veiðileyfum og veiðivörum.

- Fluguhnýtarar sýna listir sínar.

- Fluguhnýtingakeppni.

- IF4 kvikmyndahátíðin.

 

Íslenska fluguveiðisýningin er sjálfseignarstofnun og munu hagsmunaaðilar tilnefna stjórn sem mun taka ákvarðanir um málefni hennar, innan ramma skipulagsskrár. Stofnendur Íslensku fluguveiði-sýningarinnar eru veiðimennirnir Gunnar Örn Petersen og Kristján Páll Rafnsson.

 

Stofnendur hafa þá framtíðarsýn að sýningin muni efla samfélag veiðimanna hér á landi og stuðla að öflugri umræðu um verndun auðlindar okkar.

 

Dagskrá:
15:00               Húsið opnar - fluguveiðisýning í anddyri
17:30-18:15     Málstofa og pallborðsumræður um sjókvíaeldi í stóra sal
18:15-18:30     Sýnishorn úr mynd Icelandic Wildlife Fund og vinningsmynd IF4 2017 „The Hidden“ sem tekin var upp hér á landi sýnd í stóra sal
19:00               Iron Fly fluguhnýtingarkeppni í anddyri
20:00               Uppboð á veiðileyfum og veiðivörum í stóra sal
20:30               IF4 kvikmyndahátíðin í stóra sal (2 klst.)

 

Miðasala á sýninguna er í fullum gangi á Tix.is 

 

Hér er hægt að skoða dagsskrá og viðburði nánar.