Veiðitölur
Smelltu hér til að gerast áskrifandi að angling fréttum
23. janúar 2018

Megnið af þeim 400 tonnum af fiski sem var hent koma úr laxeldinu

Um 20 prósent eldislaxa í sjókvíum drepast áður en hægt er að nýta þá til manneldis. Laxinum er fargað eða hann er nýttur í framleiðslu afurða eins og fiskimjöls. Leynd ríkir um afföll og förgun eldislaxa hjá stærsta laxeldisfyrirtæki Íslands, Arnarlaxi.

 

Megnið af þeim rúmlega 400 tonnum af úrgangi úr fiskeldi og frá fiskveiðum sem voru urðuð hjá Sorpurðun Vesturlands á Mýrum í Borgarbyggð árið 2016 komu frá íslenskum eldisfyrirtækjum í laxeldi. Ekki fæst uppgefið hversu mikið nákvæmlega af þeim 401,6 tonnum sem urðuð voru í flokknum „úrgangur frá vatns- og sjávareldi og fiskveiðum“ kom frá laxeldinu þar sem ekki er haldið utan um þessar upplýsingar hjá sorphirðunni, segir Hrefna Jónsdóttir framkvæmdastjóri. En hún segir hins vegar: „Efsti flokkurinn er nánast aðeins í laxeldi,“ segir Hrefna um þessi rúmlega 400 tonn.  

Hrefna segir jafnframt að Sorpurðun Vesturlands veiti ekki upplýsingar um einstaka viðskiptavini fyrirtækisins og þar af leiðandi er ekki hægt að fá upplýst hversu mikið af laxi einstaka fyrirtæki, eins og til dæmis Arnarlax á Bíldudal, farga og urða í jörð á hverju ári.  Einungis laxeldisfyrirtækin sjálf geta veitt þessar upplýsingar. 

 

Þessa frétt eftir Inga Frey Vilhjálmsson er að finna á vefnum Stundin.is og þar er hægt að lesa nánar um málið.