Veiðitölur
Smelltu hér til að gerast áskrifandi að angling fréttum
14. september 2017

Nýjar veiðitölur

Komnar eru nýjar veiðitölur á vef Landsambands Veiðifélaga. Samantektin er frá veiði í lok miðvikudags 13. september. 

 

Víða er kominn haustbragur á veiðina enda komið fram í miðjan september. Engu að síður gengur veiðin vel í mörgum af okkar ám og þær með ágæta vikuveiði. Fyrstu lokatölur eru komnar þetta veiðitímabilið og fyrst má nefna Norðurá en þar lauk veiði 11 september með alls 1719 laxa. Lokatala árið 2016 var 1342 laxar og er veiðin því 377 löxum meiri þetta árið. Ef lokatala er borin saman við meðalveiði í Norðurá þá er lokatala þetta veiðitímabilið tæplega 200 laxar umfram meðalveiði.

 

Veiði er lokið í þremur öðrum ám en það eru Haffjarðará sem lokaði 12 september með lokatöluna 1167 laxa, vikuveiði var 37 laxar. Skjálfandafljót með 378 laxa og Búðardalsá lokaði 11 september og er með lokatöluna 255 laxa sem er 44 löxum meira en lokatala árið 2016.

Efst á listanum er Ytri-Rangá en hún komin yfir 6000 laxa markið með alls 6079 laxa og vikuveiðin var 491 laxar. Miðfjarðará er í öðru sæti með 3470 laxa og vikuveiði var 231 laxar. Í þriðja sæti er Þverá og Kjarará og er veiðin komin yfir 2000 laxa markið en alls hafa 2121 laxar veiðst og var vikuveiðin 99 laxar.

 

Hér fyrir neðan er listi yfir efstu átta árnar þessa vikuna.

 

1. Ytri-Rangá 6079 laxar - vikuveiði 491 laxar.

 

2. Miðfjarðará 3470 laxar - vikuveiði 231 laxar.  

 

3. Þverá og Kjarará 2121 laxar - vikuveiði 99 laxar.

  

4. Eystri-Rangá 1983 laxar - vikuveiði 75 laxar.

 

5. Norðurá 1719 laxar - vikuveiði 57 laxar. Lokatala

 

6.  Langá 1460 laxar - vikuveiði 77 laxar.

 

7.  Blanda 1433 laxar - vikuveiði 3 laxar. 

 

8. Haffjarðará 1167 laxar - vikuveiði 37 laxar. Lokatala

 

9. Grímsá og Tunguá 1121 laxar - vikuveiði 68 laxar.

 

10. Laxá á Ásum 1057 laxar - vikuveiði 115 laxar.

 

 

Hér er hægt að skoða allan listann með tölum úr um 40 ám.

 

Veiðitölur berast stundum ekki úr öllum ám en tölur verða skráðar inn þegar þær berast.

 

Við tökum saman tölur næsta miðvikudag 20. september og þá fáum við lokatölur víða að.

 

Landssamband veiðifélaga hefur um áratug fylgst með veiði í 25 ám. Veiðitölum er safnað hvert miðvikudagskvöld og eru þær birtar á heimasíðu Lv, angling.is og jafnframt á síðu 322 á textavarpinu. Velkomið er að senda veiðitölur í tölvupóst bjorn@angling.is eða senda sms í síma 852-3398. Gott er að láta stangarfjölda fylgja með.  

 

Söfnun veiðitalna væri ekki möguleg nema fyrir liðsinni fjölda aðila sem vikulega taka saman veiðitölur. Kærar þakkir fyrir ykkar liðsinni í veiðitölusöfnun.