Veiðitölur
Smelltu hér til að gerast áskrifandi að angling fréttum
24. ágúst 2017

Nýjar veiðitölur

Komnar eru nýjar veiðitölur á vef Landsambands Veiðifélaga. Samantektin er frá veiði í lok miðvikudags 23. ágúst. Eftir veiði síðustu viku bættist ein á í hóp þeirra sem hafa farið yfir 1000 laxa markið en það er Haffjarðará með alls 1033 laxa og var vikuveiðin 53 laxar. Í efsta sæti er Ytri-Rangá og er hún komin yfir 4000 laxa markið, komin í alls 4218 laxa og vikuveiðin var 472 laxar. Miðfjarðará er í öðru sæti en alls hafa veiðst 2668 laxar og vikuveiðin var 282 laxar. Í þriðja sæti er Þverá og Kjarará en þar er veiðin komin í alls 1777 laxa en vikuveiðin var 177 laxar. Eystri-Rangá er í fjórða sæti og komin í alls 1685 laxa en vikuveiðin var 284 laxar.

 

Eftir veiði síðustu viku er Norðurá komin í 1355 laxa og veiðin nú orðin meiri en á síðasta veiðitímabili en þá veiddust 1342 laxar. Nú þegar eru nokkrar ár komnar með meiri veiði en lokatalan var í fyrra og má þar nefna Grímsá og Tunguá, Elliðaárnar, Laxá á Ásum, Straumanir í Hvítá, Þverá í Fljótshlíð og Norðlingafljót Líklegt er að fleiri ár bætist í þennan hóp á næstu vikum og má þar nefna Laxá í Kjós, Búðardalsá, Flókadalsá, Laxá í Leirársveit, Hofsá og Sunnudalsá, Selá í Vopnafirði, Langá og Þverá og Kjarará.

Hér fyrir neðan er listi yfir efstu 8 árnar þessa vikuna.

 

1. Ytri-Rangá 4218 laxar - vikuveiði 472 laxar.

 

2. Miðfjarðará 2668 laxar - vikuveiði 282 laxar.  

 

3. Þverá og Kjarará 1777 laxar - vikuveiði 177 laxar.

  

4. Eystri-Rangá 1685 laxar - vikuveiði 284 laxar.

 

5. Blanda 1390 laxar - vikuveiði 59 laxar.  

 

6. Norðurá 1355 laxar - vikuveiði 53 laxar.

  

7. Langa 1237 laxar - vikuveiði 88 laxar.

 

8. Haffjarðará  1033 laxar - vikuveiði 53 laxar.

 

 

Hér er hægt að skoða allan listann með tölum úr um 40 ám.

 

Veiðitölur hafa ekki borist úr öllum ám en tölur verða skráðar inn þegar þær berast.

 

Við tökum saman tölur næsta miðvikudag 30. ágúst og verður fróðlegt að sjá hvernig gengur.

 

Landssamband veiðifélaga hefur um áratug fylgst með veiði í 25 ám. Veiðitölum er safnað hvert miðvikudagskvöld og eru þær birtar á heimasíðu Lv, angling.is og jafnframt á síðu 322 á textavarpinu. Velkomið er að senda veiðitölur í tölvupóst bjorn@angling.is eða senda sms í síma 852-3398. Gott er að láta stangarfjölda fylgja með.  

 

Söfnun veiðitalna væri ekki möguleg nema fyrir liðsinni fjölda aðila sem vikulega taka saman veiðitölur. Kærar þakkir fyrir ykkar liðsinni í veiðitölusöfnun.